Dud-Milah,ekau raso2 orang kona tak kito....?
Milah-Ontah lah...Raso2 tak gak eh..
Dud-Den bukan apo,kang ekau raso sogan lak merompit ngan den.Den ni dudo anak satu,harto tak do,muko tak hensom,porot boroi lak tu...
Milah-Apo nak malu an bang...Milah pun jando,samo cam abang..
Dud-Ooo...Tak malu kau Milah....
Milah-Tak do apo Milah nak malu....
Dud-Ihh...Ihh..Milah,ekau jangan polok kuek2 bona ketiak den tu....Goli-goloman lak den ha..
Milah-Yang abang tak pakai baju sapo suruh..?
Dud-Untuk pengotahuan ekau Milah,merompit sesambe tak bebaju neh adolah kegomaran den semonjak dulu lae...Akak ekau mintak corai marin pun pasai ni lah...
Milah-Pasai apo lak bang..?
Dud-Satu potang,den ngan akak kau poi merompit.Den macam biaso,tak bebaju lah.Tetibo ado polis buek sokatan jalan.IC den lak tetingga lam poket baju kek umah.Den kono tahan lokap,polis cas den pendatang dari Kamboja.Akak ekau nangih guling2 kek topi jalan pasai malu ngan den.Time2 tu yo dio kato dio tak kona den.Dio kato,dio cumo numpang den pasai dah tetingga bas tuk poi kojo kilang kek Ulu Yam.Lopeh kejadian tu,akak kau mintak corai.Kato eh dio malu dapek laki cam den ni ha....Milah,kang kalau ado polis kek dopan nun,ekau jangan lak guling2 ateh jalan cam akak kau dulu...Kito tompoh sesamo yo...
Milah-Ni abang ado bawak IC tak...?
Dud-Alamak....Milah,den lupo lah....tetingga kek umah dalam baju motong den.....
Milah-Hampehhhhh....Tak nak ikutttttt..Turun an Milah kek sini...Milah tak sanggup...Uwaaaaaa...
Dud-Tu yang den malehhhhh story lobih2.....Masok ekau ni Milah,Dah 18 orang jando naik moto sekorek jalan dongan den.....Eden yang malang.....
