Monday, November 22, 2010

POSAN UWAN DEN...

TOK  WAN  EKAU

     Meh sini wan nak cerito sikit.Ekau donga bebaik.Cerito wan neh,ekau jadikan pedoman.Jangan ekau donga telingo kanan,kua telingo kiri.Ni sumo pengalaman wan.Wan dulu makan garam pado ekau.Cerito eh cam nia ha...


Sebolom kawin -


"Awak,jangan la pepegang wak...kita lom kawin lagi..."
"Ala pegang tangan jew...kan ape2 pun..tak luak pun.."
"Tak baik tau..Berdosa.Tuhan nampak.."
"ok lah,ok lah...kita tak pegang..Nanti bila dah kawin awak tolong picitkan badan kita ya.."
"Boleh...Hari2 pun tak pe..."


Baru kawin -


"Yang...Tolong picitkan badan abang yang..Badan abang rasa sengal2 lah..."
"Meh sini,biar ayang picitkan.."
"Cam tu lah bini abang..Kalau begini hari2,sumpah abang tak cari lain lagi..."


Setahun kawin -


"Ooo..Mak nye,tolong picitkan badan kita...Sakit na rasanya..."
"Tak nampak ke orang tengah buai anak ni..."
"Ala...sekejap ya..."
"Orang letih lah..awak picit lah sendiri..Tangan tu kan ada..."
"Tak nak tolong tak po lah...kita tidur dulu..."
"Tau tak pa......"


18 tahun kawin -


"Picit an kojap badan den nia ha...tegeliat maso ngangkit gotah tadi."
"Apo picit2...Dah tebiat orang tuo ni gak eh..."
"Tebiat apo pulak...badan den sesakit ha...picit an lah kojap..."
"Tebiat nak mampuih...Dah tuo2 ni,sogan lah sikit kek bebudak.."
".....?"


Bilo nak corai -


"Tu...Orang tuo gata tu...Ado ati nak kawin lae satu...Ingek den ni apo.Tunggo kayu?Ekau poi cakap an kek abah ekau tu,den tak heran dio nak kawin berapo pun,janji corai an den dulu.Lae sonang idup den...Poi bona lah kek sinun......"


Bilo dah corai -


"Padan dongan muko den...Ado laki den alau an.Membujang balik la den...Tak dulu ado yo toman begadoh...Ado yo toman micit an badan..."


     Ekau donga tu jang....Sok bilo kawin jangan dibuek perangai cam tu..Hanco umahtanggo ekau sok.Bapo bosa baiklah masaalah eh,bawak bebincang....Tak cayo,ekau nengok wan ekau nia...Tak pasal2 yo nunggu umah nia sesorang.....Atuk ekau tah mano poi mentibang eh semonjak kawin mudo dulu.....